Þjálfarar & kennarar

Þjálfarar í sal sem útbúa æfingaáætlun og fylgjast með þér

Innifalið í meðlimakortum okkar er aðgangur að líkamsræktarþjálfara í tækjasal sem útbýr sérsniðna æfingaáætlun fyrir hvern og einn, kennir á tækin og aðstoðar eftir þörfum.

Viðvera þjálfara í sal er:
Mánudaga-föstudaga 06:00-13:00 & 14:00-18:00

 

Þjálfarar í sal hjálpa þér að ná enn lengra

Þjálfarar okkar hjálpa þér að ná tilsettum markmiðum með því að hanna æfingaáætlun með þarfir þínar í huga og tryggja að æfingarnar séu rétt gerðar. Hvort sem þú vilt grenna þig, styrkja, auka liðleika, snerpu eða einfaldlega láta þér líða betur hjálpa þjálfararnir okkar þér að ná árangri og viðhalda áhuga. Þeir veita þér einnig ráðgjöf um mataræði sem hentar með þinni æfingaáætlun. Allir okkar einkaþjálfarar eru menntaðir í faginu og hafa áralanga reynslu að baki.

 

Einkaþjálfarar og þjálfarar í sal 


Agnes Þóra - einkaþjálfari Hilton Reykjavík SpaAgnes Þóra Árnadóttir

Netfang: agnestha(hjá)icehotels.is
Sími: 695-2308
Deild: Einkaþjálfari, næringarfræðingur og þjálfari í sal.

Agnes útskrifaðist árið 2013 með Ms. í íþróttanæringarfræði, þar á undan útskrifaðist hún með Bs. í næringarfræði með undirfag í hreyfingarfræði (kinesiology). Agnes er samþykktur næringarfræðingur frá Embætti Landlæknis og með náminu vann hún í samvinnu við yfirnæringarfræðing Ólympísku æfingarmiðstöðvarinnar í Colorado við næringarráðgjöf og verkefni fyrir æfingarmiðstöðina (Olympic Training Center). Samhliða náminu var hún einnig í starfsþjálfun hjá National Strength and Conditioning Association þar sem hún vann mikið með slökkviliðsmönnum, lögreglumönnum, fangavörðum, sérsveitinni, FBI og hermönnum. Sjálf stundaði Agnes bæði fótbolta og handbolta til ársins 2015.

Agnes leggur mikla áherslu á samspil næringu og þjálfunar og telur samspil þess undirstaða árangurs. Agnes tekur að sér bæði einstaklinga sem vilja ná betri heilsu,auka lífsgæði og afreksíþróttafólk.Sjálf hefur hún mikla reynslu af endurhæfingu eftir hnéaðgerðir sem nýtist henni í þjálfun.

Agnes kennir kennir Tabata circuit, Strength & endurance, Hot Foam Flex og Heitar teygjur og rúllur. - Skoða stundaskrá


Guðbjartur ÓlafssonGuðbjartur Ólafsson

Netfang: gudbjarturo(hjá)hiltonreykjavikspa.is
Sími: 615-1601
Deild: Einkaþjálfari og þjálfari í sal.

Bjartur útskrifaðist árið 2011 frá Háskóla Íslands með Bsc gráðu í íþrótta- og heilsufræði. Hann er einnig menntaður nuddari frá Nuddskóla Íslands og hefur lokið UEFA-B/KSÍ-B knattspyrnu þjálfara gráðu.

Hann hefur starfað í líkams- og heilsurækt síðan 2008 og sérhæfir sig í þjálfunaraðferðum sem stuðla að auknum hámarksstyrk og sprengikraft. Bjartur hefur náð góðum árangri með fólk sem glímir við stoðkerfis vandamál eða þarf að létta sig.

Bjartur kennir B-strong og er einnig með námskeiðið Hópþjálfun. - Skoða stundaskrá

 

Fjölnir BjarnasonFjölnir Bjarnason
Netfang: fjolnir2(hjá)gmail.com
Sími: 867-2101
Deild: Einkaþjálfari og þjálfari í sal

Fjölnir útskrifaðist sem íþróttafræðingur haustið 2019 úr Háskólanum í Reykjavík. Fjölnir fór í starfsnám hjá Mörk hjúkrunarheimili þar sem hann þjálfaði bæði aldraða og slasaða einstaklinga. Fjölnir hefur mikinn áhuga á Crossfit og stundar það af krafti. Fjölnir spilaði fótbolta í 14 ár með Víking Reykjavík og hefur enn mikinn áhuga á íþróttinni. Fjölnir hefur mikinn áhuga á útiveru og ber helst að nefna rjúpnaveiði og snjóbretti á veturna og lengri göngur og aðra útiveru á sumrin.  


Fjölnir hefur mikinn áhuga á ólympískum lyftingum og lotuþjálfun þar sem hægt er að taka gríðarlega kröftugar æfingar á stuttum tíma. Hann hefur einnig þjálfun á einstaklingum sem eru að ná sér eftir meiðsli (sérstaklega öxlum og hnjám) eða hafa áhuga á að létta sig.

Fjölnir er með hádegistíma í sal mánudaga, miðvikudaga og föstudaga sem og Tabata tíma á fimmtudögum kl 17:00. - Skoða stundaskrá

 

Steinunn ÞórðardóttirSteinunn Þórðardóttir
Netfang: steinath(hjá)gmail.com
Sími: 693-4173
Deild: Einkaþjálfari

Steinunn er þjálfari, jógakennari og nemi í sjúkraþjálfun á 3ja ári. Auk þess að vera reyndur þjálfari er hún förðunarfræðingur og starfaði sem gervahönnuður og sminka samhliða þjálfun á árunum 2005-2018. Steinunn hefur meðal annars starfað sem yogakennari, þjálfari og yfirþjálfari í Mjölni, yogakennari í jógastúdíóinu í Ánanaustum, þjálfari í sal í Þrekhúsinu, verið með fyrirtækjayoga, hreyfismiðju fyrir krakka, styrktarþjálfun fyrir íþróttafólk og námskeið fyrir konur með streitu og vöðvabólgueinkenni. Steinunn hefur gaman af því að stunda styrktarþjálfun, er með bláa beltið í brasilísku Jiu Jitsui og á þrjú börn.

Steinunn hefur mikinn metnað fyrir því að hjálpa fólki að öðlast betri lífsstíl með hreyfingu. Hún hefur reynslu að vinna með fólki með stoðkerfisvandamál, streitueinkenni, vefjagigt, andlega vanlíðan, þunguðum konum, nýbökuðum mæðrum, börnum, öldruðum og íþróttafólki.

 

Verðskrá

Verð er breytilegt eftir einkaþjálfurum. Mælt er með að haft sé beint samband við þann þjálfara sem óskað er eftir til að fá verð í sérstaka einkaþjálfun.

 

Einkatímar í jóga með Dísu og Tínu

Nú er hægt að panta einkatíma í jóga með Dísu Lareau og Tínu.

Farið er yfir stöður, þær leiðréttar og komið til móts við einstaklinginn eftir því hvað hann vill, ef einhver spennuferli eru í líkama og aðstoða við að losa um þau í gegnum stöðurnar. Nemendur geta að lokum séð stóran mun á sinni praktís eftir einn einkatíma.

Innifalið: Aðgangur að heilsulind, handklæði við komu, herðanudd í heitum pottum.

Verð: 11.900 kr. fyrir einn / 14.900 kr. fyrir tvo

 

Þórdís Lareau - DísaÞórdís Lareau (Dísa)
Dísa er með The Barkan Method U.S.A, stig II & III kennararéttindi í Hot Yoga, Absolute Yoga Thailand kennararéttindi í Hot Yoga, ásamt því að vera með danskennararéttindi. Hún hefur kennt yoga í sjö ár, þar af fimm ár hjá okkur. Dísa er einnig fagmenntaður ljósmyndari og listfræðinemi við HÍ.
Dísa kennir Hot Yoga Sculped og Hot Yoga. - Skoða stundaskrá


Kristín - TínaKristín Guðbrandsdóttir (Tína)

Tína hefur lokið 240 tíma jógakennaranámi frá Jóga & blómadropaskóla Kristbjargar, skóla ljóss og friðar. Hún hefur auk þess sótt fjölda yoga námskeiða, þar á meðal Brahmani Yoga með Julie Martin, Astanga Yoga og handstöðu vinnustofu með Örnu Björk, Vinyasa Yoga for youth með Lauren Scrouton og Ryan Leier auk Divine Sleep Yoga Nidra með Jennifer Reis Hún hefur einnig kennt spinning tíma og starfar samhliða kennslunni sem gullsmiður.
Tína hefur brennandi áhuga á hjólreiðum, yoga, skíðum og lífrænum og heilnæmum lífsstíl.
Tína kennir Vinyasa Yoga, Strength & stretches, Deep Yoga Stretches sem eru frábærir tímar fyrir alla sem vilja halda í eða auka liðleika og Body Toning - Skoða stundaskrá.